#arubaexowold2019

Competentia Nombramento Exoworlds 2019 Aruba

Forma parti di un competencia historico y international

Den 2019, International Astronomical Union (IAU) ta celebrando 100 aña y ta duna paisnan international e oportunidad pa duna un exoplanet y su strea un nomber. Click aki pa lesa mas.

Funda na 1919, Intenational Astronomical Union (IAU) ta un asociacion mundial di astronomonan profesional y ta e autoridad pa asigna nomber di objetonan celestial, sea ta planeta of luna. Click aki pa lesa mas.

Pa e nomber nan por ta valido, IAU a pone regalanan estricto cu mester wordo uza den e competencia. Click aki pa lesa mas.

Aruba a haña e strea WASP-39 y su Expoplaneta WASP-39b pa duna un nomber. E systema aki ta ubica den e constelacion di Virgo. Click aki pa lesa mas.

Gran Final di e competencia 'Nombramento ExoWorlds 2019 Aruba'

E competentia national di Aruba pa nombra e strea WASP-39 y su Exoplaneta WASP-39b a jega su ultimo fase. Te cu 18 di november 2019 publico di Aruba por vota ariba 11 set di nomber cu e Comision National a selecta for di mas cu 30 nomber cu a wordo entrega.

E nombernan selecta pa e strea y su exoplaneta (click pa mira thema y splicacion):

(thema: Fauna di Aruba )

Mi ta acentua e relacion entre fauna y astronomia door uza nomber di bestia den nos idioma Papiamento.

WASP na ingles ta na Papiamento maribomba. E planeta gigante ta expande door di temperatura halto den su centro. E planeta WASP-39b dus ta un ‘puffed planet’. Mescos cu un djindja ora e hincha pa asina purba scapa di su predadornan. E ta bira varios biaha mas grandi cu su grandura normal pero su masa ta keda mescos. Su densidad dus ta baha. E ta dus ‘hincha’ manera e planeta WASP-39b.

(thema: New Discoveries)

I have chosen Nobis to be the name of the planet because of its newness to the scientific world. Nobis is derived from the Papiamento word “nobo” which means new. On the other hand, I picked Tata to be the name of the host star for its role as the “father” of Nobis, guiding and directing its path as it rotates around it. Tata and Nobis is a kind of a celestial father and son relationship as they enjoy the freedom of what time and space has to offer, waiting for other offspring to be born through scientific discovery.

thema: Trees of Aruba

The famous Watapana tree is Aruba’s natural compass, always pointing in a southwestern direction due to the trade winds that blow across the island from the north-east. The Fofoti shares similarities but grows at the beach. With little water and high temperatures, the ideal name and tree for the planet.

thema: Parhanan local di Aruba

Trupial paso e ta oraño manera un solo. Prikichi ta un parha hopi comun na Aruba y cu awor ta den peliger di extincion. E nomber por biba pa semper como un planeta.

thema: Wega di mucha

Esakinan ta algun weganan di pafo di antes, weganan cu a marca hubentud di nos antepasadonan. Algun di nan tin hasta storianan supersticioso graba den historia di Aruba.

thema: Bunitesa den nos Parke Nacional

Nos Parke Nacional “Arikok” ta consisti di hopi lugar geografico bunita y cu nomber apart. P’esey a dicidi di scoge pa nomber di nos bunita naturalesa den Parke Arikok. Apart di Guadirikiri por sigui menciona mas por ehempel Jamanota, Daimari y Cashunti.

(thema: Nombernan di origen idioma Caquetios)

E prome habitantenan di Aruba tabata e Indjannan Caquetios. E Caquetios tabata di tribo Aruwak. P’esey e nombernan ta conecta pa Aruba. Caquetios/Aruwak a disparce for di Aruba. Dunando SOLO WASP-39 e nomber Aruwak y WASP-39b e nomber Caquetios laga nos corda ken tabata e prome habitantenan di Aruba.

(thema: Parha di Aruba)

Ora un Trupial mira un Warawara rond di su neishi e ta bula rapidamente rond di e neishi pa core cu e Warawara defendiendo su neishi. E planeta ta orbita su solo den 4 dia. Compara cu nos 365 di mundo esey ta hopi lihe.

(thema: Arubiano)

Mi a scoge e nombernan aki como un ode na e prome habitantenan di Aruba y e habitantenan actual cu ta un mix di diferente nacion. Cu nos Rubianonan (Habitantenan di Aruba) nunca lubida nos rais, no ta importa di unda bo ta, balora tur e diferente nacionnan cu nos tin.

(thema: Lama di Aruba)

Mi a scoge e nombernan aki paso tin ongeveer 22 lama na Aruba; e ta algo Aruba ta conoci p’e. E nombernan di e dos lamanan ta di mi escogencia personal. 

(thema: Mata tipico cu bo ta haya rond di Aruba)

E matanan aki ta protegi pa ley y ta matanan cu ta biba añanan largo y tur caminda bo ta haya nan rond di Aruba. E watapana ta algo unico cu ta crece na e forma di e direccion di biento.

Kiko ta e competencia?

Como parti di celebrashon centenar di International Astronomical Union (IAU) un competensia global a wordo organisa jama Name Exoworlds. Lansa na September 2019 y ta parti di un projecto international, Aruba tin e oportunidad historico pa duna un nomber crioyo na un exoplaneta y su strea.

Den e ultimo añanan, astronomonan a discubri miles di planetanan orbitando otro solonan. Algun ta chikito di piedra manera nos mundo, mientras otro ta gasnan gigante manera Jupiter.

Aworakinan tin pensa cu majoria di e streanan den nos universo por tin planetanan orbitando nan. Y cu algun di nan por tin caracteristicanan paresido na nos mundo. E cantidad extraorbitante di streanan den nos universe, ta duna indicacion di un potencial higantesco di planeta, cu ta contene materialnan cu ta hasi e posibilidadnan pa bida di microbio riba otro planetanan favorabel pa pensa cu por sugeri cu por tin bida extraterestre.

Ken ta IAU?

Cooperashon international den astronomia no tawata nobo ora cu International Astronomical Union of IAU a wordo funda na 1919. Astronomonan tawata bishita otro y intercambia informashon pa hopi siglo. IAU tawata parti di un gran reorganisacion di sciencia international despues di e prome guera mundial.

Awo, 100 aña despues, IAU ainda ta retene su mission pa promove y salbaguardia e sciencia di astronomia den tur su aspectonan door di cooperashon international; esaki ta ensera, investigacionan scientifico, communicacion, educacion y desaroyo. Miembronan individual ta astronomonan profesional di tur parti di mundo, na nivel di PhD bay ariba, y hendenan cu ta activo como investigador profesional y den educacion den astronomia. IAU tin mas cu 13,700 miembro individual den 107 pais mundialmente. Ademas, IAU ta colabora cu diferente organisacion rond mundo.

E di 100 aniversario di IAU ta duna un bunita oportunidad pa ilustra na mundo e sciencia, technologia y inspirashon cu astronmia a trese pa nos door di e ultimo siglo. Pa conmemora e logro aki, IAU a organisa un aña di celebracion. Pa conscientisa e importancia di e discubrimientonan di astronomia y pa apoya y mehora e uzo di astronomia como un herment pa educacion, desaroyo y diplomasia bow di e tema, “Under One Sky” (Bow un solo Shelo).

Nos comprondemento di e Universo cu nos ta biba aden a cambia dramaticamente den 100 aña cu IAU a wordo funda.  E universo ta higantesco, mas diversifica y mas dinamico cu niun hende no por a imagina. Y hopi te ainda ta desconosi.

Kiko ta e reglanan pa nombramento di WASP 39?

Reglanan di nombramento di exoplanets

  • E nombernan proponi mester ta di un obheto, hende of luga cu tin un nificacion cultural, historico of geografico hopi largo, digno di ta asigna na un obheto celestial.
  • Aunke no ta necesario, e nombernan por ta saca for di temanan relaciona cu shelo y astronomia. E por ta relaciona tambe, den un forma of otro, na un constelacion of un asterismo cultural den cua e sistema exoplanetario ta situa.
  • Reconociendo cu UN a declara cu 2019 ta ‘Aña International di Lenga Indigena’ (IYIL2019), ta encurasha tur orador di lenga indigena, pa pone un nomber nan idioma.
  • Dos (2) nomber ta keda proponi: uno (1) pa e exoplaneta y uno (1) pa e strea cu e planeta ta orbita.
  • E dos nombernan proponi mester sigui e mesun tema. E tema nombra, cu ta describi con e nombernan ta relaciona logicamente cu otro, mester ta resumi den un of dos frase. Adicionalmente, e nomber mester ta asina amplio cu lo por extrae diferente nomber adicional for di e literatura pa nombra, den futuro, obheto adicional den e sistema exoplanetario (p.e.: si descubri otro planeta of constelacion estelar adicional). Algun ehempel di nomber proponi ta rooinan di un pais XYZ , lugarnan ficticio den siglo 19, storianan di e pais XYZ, etc. …

Nombernan proponi, despues di traduccion, mester ta

Ademas nombernan proponi no mag di ta lo sigiente

  • Nombernan di algo puramente of parcialmente comercial.
  • Nombernan di hende, luga of evento principalmente conoci pa ta parti di actividad di algo politico, militar of religioso.
  • Nombernan di hende cu a muri menos di shen (100) aña pasa (1919).
  • Nombernan di hende cu ta na bida ainda.
  • Nombernan di organisacion cu ta relaciona na e seleccion.
  • Nombernan di mascota.
  • Nombernan contribui (e.o. number nobo, number inventa).
  • Nombernan cu ta inclui number of signo di lesa manera: ,(coma)- !(signo di sclamacion) of ? (signo di pregunta).
  • Nombernan cu ta principalmente conoci como marca registra of ta protegi pa propiedadnan intellectual reclama.

Splicacion di nomber

Tur nomber proponi mester ta acompaña pa un citacion splicando e nomber den no mas cu 100 palabra (despues di a keda traduci na Ingles).

E nomber publico selecciona lo keda reconoci door di IAU como e nomber apropia y publicamente uza pa nombra e obheto celestial.

  • E nombernan publico escogi, no lo reemplasa e codico scientifico di e obheto celestial (designaciones alfanumerico).
  • Lo publica e nombernan proponi hunto cu e debido credito pa esnan cu a propone.

E nomber publico aki lo por keda uza internacionalmente hunto cu, of na luga di, e designacion scientifico, permanentemente y sin restrincion.

Strea y planeta asigna pa Aruba su competencia

Strea WASP-39 y Exoplaneta WASP-39b

Radius di e planeta WASP-39b ta 1.3 biaha mas grandi cu e radius di Jupiter, cu ta e planeta di mas grandi den nos Sistema Solar. Cu otro palabra, WASP-38b ta hopi mas grandi cu planeta tera.

Apesar di ta muchu mas grandi, WASP-39b ta pisa solamente un kwart di e masa di Jupiter. Esey kiermen cu su densidad ta hopi abou. E ta un planeta higante cu ta expande door di temperatura halto den su centro.

E strea WASP-39 ta 0.9 biaha e radius di nos solo y e tin un specificacion spectral di G8. Cu otro palabra, un poco mas chikito y un poco mas frieu cu nos solo, cu ta un strea cu specificacion spectral G2. WASP-39 ta briya cu un magnitud visual di 12.11.

WASP-39b ta orbita su strea na un distancia di 7.27 miyon km y ta tuma 4.06 dia pa orbita su strea.

E systema WASP-39 ta ubica den e constelacion di Virgo. Su coordinadnan ta 'right ascension 14:29:18.0 y declination −03:26:40'. E Sistema Solar WASP 39 ta ubica na un distancia di 230 parsecs for di nos.

E strea di mas briyante riba e mapa aki tin un intensidad di magnitud ‘0’ y esun di menos briyante tin un intensidad di magnitud ‘6’. Esey kiermen cu, intensidad visual di magnitud 12.11, WASP-39 ta muchu mas dof cu e streanan cu bo por wak den e mapa. Bo lo mester di un telescop pa wak e strea.

NASA su Telescopio Espacial Hubble a observa e transmision di WASP-39b pa asina haya sa di kico e atmosfera di e planeta ta traha. Hubble a constata cu, WASP-39b tin shelonan limpi, yena cu vapor di awa cu poco nubia.

A descubri WASP-39b door di e camaranan SuperWASP-North Array situa riba un volcan extingi riba e isla La Palma. Su discubrimento a keda anuncia na 2011 den un publicacion scientifico haci door di Francesca Faedi.